Үйлчилгээний нөхцөл

Хүчин төгөлдөр: 2026 оны 10-р сарын 15 · Төлбөр, буцаан олголтын журам багтсан

SanaaOS («бид») нь бизнесүүдэд сошиал медиа контент бэлтгэх, хуваарьлах, нийтлэхэд туслах AI үйлчилгээ юм. Үйлчилгээ үзүүлэгч: хувь хүн бизнес эрхлэгч БУУРАЙ БАТБААТАР (Batbaatar Buurai), Улаанбаатар, Монгол Улс. Та бүртгүүлж, үйлчилгээг ашигласнаар энэхүү нөхцөлийг зөвшөөрсөнд тооцно. Төлбөрийн хүсэлт илгээх бүрд энэ нөхцөлийг зөвшөөрснөө баталгаажуулна.

1. Багц, кредит

Үйлчилгээ кредитээр тооцогдоно. Контент үүсгэх бүрд төрлөөс нь хамаарч тогтмол тооны кредит хасагдана (пост 2, стори 2, Reels 51, зураг дахин үүсгэх 1). Эдгээр тоог өөрчлөх бол 30 хоногийн өмнө мэдэгдэнэ.

Үнэгүй туршилт: бүртгүүлэхэд 10 кредит, анхны Facebook Page-ээ холбоход 20 кредит олгоно. Урамшуулал хүн бүрд, Page бүрд нэг удаа олгогдоно.

Сарын багц: идэвхжсэнээс хойш 30 хоног хүчинтэй. Хугацаа дуусахад ашиглаагүй кредит хүчингүй болно.

Жилийн багц: 12 сарын (360 хоног) төлбөрийг нэг дор төлж 20% хөнгөлөлт эдэлнэ. Багцын кредит 30 хоног тутам шинэчлэгдэх бөгөөд ашиглаагүй кредит дараагийн сар руу шилжихгүй.

Нэмэлт кредит: идэвхтэй багцтай үед авна. Багцын кредит дараагийн удаа шинэчлэгдэх эсвэл багцын хугацаа дуусах хүртэл хүчинтэй.

2. Төлбөр

Төлбөрийг апп дотор харагдах банкны данс руу, зааж өгсөн гүйлгээний утгатайгаар шилжүүлнэ. Бид шилжүүлгийг шалгаж баталгаажуулсны дараа багц эсвэл кредит идэвхжиж, имэйлээр мэдэгдэнэ. Гүйлгээний утга буруу эсвэл дүн зөрүүтэй бол баталгаажуулалт удааширч болно.

3. Цуцлах, буцаан олголт

Сарын багц. Идэвхжсэний дараа буцаан олголтгүй. Цуцлах гэдэг нь дараагийн сард төлөхгүй байх бөгөөд хугацаа дуустал үйлчилгээ хэвээр ажиллана.

Жилийн багц.

Идэвхжсэнээс хойш 14 хоногийн дотор, 300-аас бага кредит зарцуулсан үед цуцалбал төлбөрийг бүрэн буцаана.
Түүнээс хойш цуцалбал: төлсөн дүнгээс эхэлсэн сар бүрийг хөнгөлөлтгүй сарын үнээр тооцож хасаад үлдэгдлийг буцаана. Хэсэгчлэн ашигласан сарыг бүтэн сар гэж тооцно.
Жишээ: «Эхлэл» багцыг жилээр 566,400₮ төлөөд 3 дахь сардаа цуцалбал 566,400 − 3 × 59,000 = 389,400₮ буцаана. 10 дахь сараас хойш буцаах дүн үлдэхгүй.
Буцаан олголт хийгдэхэд багц тэр даруй дуусгавар болно.

Нэмэлт кредит. Дансанд орсны дараа буцаан олголтгүй.

Хэрхэн хүсэх вэ. Бүртгэлтэй имэйлээсээ hello@sanaaos.xyz хаягаар хүсэлт илгээнэ. Буцаан олголтыг ажлын 7 хоногийн дотор, төлбөр ирсэн данс руу шилжүүлнэ.

4. Үйлчилгээний тасалдал, бидний хариуцлага

SanaaOS бидний буруугаас 72 цагаас удаан тасралтгүй ажиллахгүй болвол багцын хугацааг тасалдсан хоногоор сунгана. Контент үүсгэлт бүтэлгүйтсэн атал кредит хасагдсан бол таны хүсэлтээр буцааж олгоно.

Facebook, Instagram, Threads болон AI үйлчилгээ үзүүлэгчдийн тасалдал, дүрэм, техникийн өөрчлөлтөөс үүдсэн саатлыг бид хянах боломжгүй. Ийм үед аль болох хурдан засахыг хичээх боловч үүнээс үүдсэн шууд бус хохирлыг хариуцахгүй. Бидний нийт хариуцлага таны сүүлийн 12 сард бидэнд төлсөн дүнгээс хэтрэхгүй.

5. Таны үүрэг

AI-ийн үүсгэсэн текст, зураг, видеог нийтлэхээс өмнө шалгах үүрэг танд байна. «Бүрэн автомат» горимыг сонгосон ч нийтлэгдсэн контентын агуулгыг та хариуцна.
Зөвхөн өөрийн удирдах эрхтэй Facebook Page, Instagram, Threads хаягийг холбоно.
Сэтгэгдэл, мессежийн хариу: AI хариуны ноорог бэлдэж, таныг «Илгээх» дарсны дараа таны хуудасны нэрээр илгээнэ. Брэндийн тохиргоонд «Автомат» хариуг асаавал AI хариуг шууд илгээнэ (гомдлыг танд үлдээнэ). Аль ч горимд илгээгдсэн хариуны агуулгыг та хариуцна. Үнэ, хаяг зэрэг мэдээллийг «Хариулахад хэрэгтэй мэдээлэл» хэсэгт зөв оруулах нь таны үүрэг. AI хариу бүр 1 кредит.
Групп-т хуваалцах: Meta нь программаас групп руу автоматаар нийтлэхийг зөвшөөрдөггүй тул SanaaOS зөвхөн линкийг хуулж, группийг нээж өгнө. Нийтлэхийг та өөрөө хийнэ. Олон групп-т богино хугацаанд давтан нийтлэх нь Facebook-т spam гэж үзэгдэж болзошгүйг анхаарна уу.
Хууль бус, хуурамч, бусдын эрхийг зөрчсөн, Meta-гийн дүрэмд харш контент үүсгэх, нийтлэхийг хориглоно. Зөрчсөн тохиолдолд бүртгэлийг буцаан олголтгүйгээр хааж болно.
Үнэгүй кредитийг олон бүртгэлээр давтан авахыг хориглоно.

6. Үнэ, нөхцөлийн өөрчлөлт

Үнэ өөрчлөгдөх бол 30 хоногийн өмнө мэдэгдэнэ. Жилийн багцын үнэ төлсөн хугацаандаа өөрчлөгдөхгүй. Энэхүү нөхцөлд орсон чухал өөрчлөлтийг имэйлээр эсвэл апп дотор мэдэгдэнэ.

7. Хувийн мэдээлэл

Мэдээллийг хэрхэн цуглуулж, ашиглаж, устгадгийг Нууцлалын бодлого-оос үзнэ үү.

8. Холбоо барих

Асуулт, гомдол, буцаан олголтын хүсэлт: hello@sanaaos.xyz · БУУРАЙ БАТБААТАР (хувь хүн бизнес эрхлэгч), Улаанбаатар, Монгол Улс. Маргааныг эхлээд харилцан тохиролцож шийдвэрлэх бөгөөд тохиролцоонд хүрэхгүй бол Монгол Улсын хуулийн дагуу шийдвэрлэнэ.